தேன்கவிதைகள்: அன்புடன் சிநேகிதிக்கு

Tuesday, January 11, 2011

சந்தித்தோம்

என்று? எங்கு? எப்படி?

சரிவர நினைவிலில்லை எனக்கு!!!

ஓரிரு வார்த்தைகள்

நாட்கள் நகர

மணிகணக்கு உரையாடல்களாயின

தடம்தேடி நிற்கையிலே

தோள் தந்தாய் நீ

இளைப்பாறினேன் நான்

கைகோர்த்து பயணித்தோம்!!!

காதலியா?

பலரது அர்த்தமற்ற வினாக்களுக்கு

விடையுரைக்க

பேசாதிருந்த சில வருடம்

அனல்கக்கிய போர்க்காலம்!!!

என்றும் நெஞ்சமதில் வடுவாய்!!!!

என் கவிதைகளைப் பற்றி

எவரிடமும் சிலாகிக்க

சற்று தயக்கம் எனக்கு,

உன்னிடம் மட்டும் சிலாகிப்பதேன்?

யோசிக்க வைக்கும் கேள்விதான்!

இன்றும் விடை தேடி நான்..

எனக்கு வாய்ப்பவள்

எப்படி எடுத்துக் கொள்வாள்?

உனக்கு வாய்ப்பவன்

உணர்ந்து அனுமதிப்பானா?

இரு கேள்விகளுடன்

தொடர்கிறது வார்த்தைகளுடனான

நமது மௌனப் போராட்டம்!

வாய்ப்பவர்கள் எப்படி இருப்பினும்

தொடரவே விழைகிறது

நெடுந்தூர நட்பு பயணம்

ஆழமான நினைவுகளுடன்!!!!