ஒப்பனை அறை பதிவுகள்

வட்ட வரையியாம் வாழ்க்கை..

அது இழைத்திடும் ஒப்பனைகள்

துவக்கத்துடன் இறுதியுறும்

இடமென்றும் ஒன்றுதான்..

.
அசல்களின் துணைக்கால்களென

மாதிரியின் பயன்பாடு

யூகிக்கப்படும் நுனிவரையில்
எனும் கணிப்பு

அவளுக்கு மட்டும் புதிதா என்ன?

.

மறதிகளின் கிழட்டுக்கூட்டம்

பொய் வண்ணமிழைத்து

ஆட்டுவிக்கும் பொம்மையென

வழிகின்றன துளிகள் சில..

.

விழிநீர் விலக்கிட

தன்னிலை மறைத்து

மூன்றாம் கரமொன்று

நீண்டிட..

கலையப்படத் துவங்கியிருந்தன

அவள் மறைபட்டிருந்த

நிலையற்ற ஒப்பனைகள்..

- தேனு

நன்றி திண்ணை

http://www.thinnai.com/?module=displaystory&story_id=31103067&format=html